IP ünvanını necə tapmaq və dəyişmək olar?

IP ünvanı nə deməkdir?

IP ünvanları məlumatın şəbəkədə hansı cihazdan hansı cihaza getdiyini müəyyən edir. O, məlumatların yerini ehtiva edir və cihazı əlaqə üçün əlçatan edir. İnternetə qoşulan cihazları, müxtəlif kompüterləri, marşrutlaşdırıcıları və veb saytları bir-birindən ayırmaq lazımdır. Bu, IP ünvanları ilə həyata keçirilir. IP, internetin işləməsində əsas prinsipi təşkil edir.

Praktiki olaraq "IP ünvanı nədir?" Sualına belə cavab vermək olar: IP, internetə qoşulmuş cihazların identifikasiya nömrəsidir. İnternetə qoşulmuş hər bir cihaz; kompüter, telefon, planşetin IP-si var. Beləliklə, onlar şəbəkədə bir-birindən ayrıla və bir-biri ilə İP vasitəsilə əlaqə saxlaya bilərlər.

IP ünvanınız vasitəsilə siz cihazınızın yerini müəyyən edə və onu bir çox digər cihazlardan ayırd edə bilərsiniz.

IP ünvanını necə tapmaq olar?

Ən çox verilən suallardan biri “IP ünvanını necə tapmaq olar?” sualıdır. Router-a aid ümumi IP ünvanını tapmağın ən asan yolu; Google-a “What's my IP” yəni "İP-im nədir"? deyə soruşmaqdır. IP ünvanınızı öyrənmək üçün Google-dan başqa saytlardan da istifadə edə bilərsiniz. Google kimi WhatIsMyIP.com və IPLocation kimi saytlar təkcə IP ünvanınızı göstərmir, daha da irəliyə gedərək ISP-nizi və məkanınızı göstərir.

Bəs özünüzün və başqasının gizli IP-sini necə tapmaq olar? 

Öz IP ünvanımı necə tapa bilərəm?

Gizli IP ünvanının tapılması istifadə olunan platformadan asılıdır:

Windows-da

1. Əmr lövhəsini(Command Prompt(cmd.exe)) işə salın (Windows + R düymələrini eyni anda basın və açılan sahədə "CMD" yazın və "Enter" düyməsini basın).

2. ipconfig əmrini daxil edin. IP ünvanınız əmr ekranında IPv4 ünvanınız kimi göstərilir.

macOS-da

1. Sistem Tercihlərini açın.

2. Şəbəkə panelini seçin.

3. Bağlantınızı seçin.

4. IP ünvanınıza baxmaq üçün TCP/IP nişanına klikləyin.

İOS-da

1. Parametrləri daxil olun.

2. WiFi şəbəkəsinə klikləyin.

3. Şəbəkə bağlantısına toxunun. IP ünvanınız bu səhifədə göstəriləcək.

Android

Parametrləri daxil olun

2. Bağlantılar bölməsinə gedin

3. Wi-Fi şəbəkəsinə klikləyin

4. Hazırda istifadə etdiyiniz şəbəkəni seçin. IP ünvanı və digər şəbəkə məlumatları bu bölmədə göstəriləcək.

Başqasının IP ünvanını necə tapmaq olar?

Başqasının IP ünvanını bilmək istəyirsinizsə əgər, IP ünvanını öyrənməyin müxtəlif yolları var. Ancaq ən sadə yollardan biri Windows cihazlarında əmr lövhəsindən(cmd.exe) istifadə etməkdir. Etməli olduğunuz ilk şey əmr lövhəsini açmaqdır (Windows + R düymələrini eyni vaxtda basın və açılan sahəyə "CMD" yazın və "Enter" düyməsini basın) və əmr ekranına izləmək istədiyiniz veb saytın ünvanını "ping" və "izləmək istədiyiniz veb saytın ünvanını" yazıb enter tuşuna basın. Məsələn, Facebook-un IP ünvanını bilmək istəyirsinizsə, "ping www.facebook.com" yazın və enter düyməsini basın. Həmin vaxt, www.facebook.com-un IP ünvanı görəcəksiniz.

Əgər Facebook-da bir şəxsin IP ünvanını bilmək istəyirsinizsə, “NetSat” əmrindən istifadə edə bilərsiniz. İlk öncə IP ünvanını bilmək istədiyiniz şəxsi söhbətə dəvət edin, söhbət açıq olan zaman əmr xəttini açın və “netstat –an” əmrini yazın. Beləliklə, qurulan hər bir əlaqənin IP ünvanını əldə edə bilərsiniz.

IP ünvanını necə dəyişdirmək olar?

Digər tez-tez verilən sualda "ip ünvanını necə dəyişdirmək olar?" sualdır. Bu proses 3 yolla həyata keçirilə bilər.

CMD ilə Windows-da IP-nin dəyişdirilməsi

Windows + Rdüymələrini eyni anda basın və açılan sahədə "cmd" yazın və "Enter" düyməsini basın.

Açılan pəncərəyə “ipconfig / release” yazın və Enter düyməsini basın.

Sonra “ipconfig / renew” yazın və Enter düyməsini basın və bir müddət gözləyin. Prosesin nəticəsi olaraq, DHCP serveri kompüterinizə yeni bir IP ünvanı təyin edəcək.

Kompüter vasitəsilə IP-nin dəyişdirilməsi

Kompüterdə IP ünvanınızı dəyişdirməyin bir çox yolu var. Ən çox istifadə edilən metod; Virtual Şəxsi Şəbəkə (Virtual Private Network) yəni VPN istifadə etməkdir. VPN İnternet bağlantısını şifrələyir və seçdiyiniz yerdəki server vasitəsilə marşrutlaşdırma təmin edir. Beləliklə, şəbəkədəki cihazlar sizin real IP ünvanınızı deyil, VPN serverinin IP ünvanını görür. VPN istifadəsi ilə bəzi ölkələrdə girişi bağlanan saytlara da daxil olmaq mümkündür. VPN sizə təhlükəsizlik və məxfilik verir.

IP-nin modem üzərindən dəyişdirilməsi

Ümumi IP növləri; statik və dinamik olaraq iki yerə bölünür. Statik IP həmişə sabitdir və administrator tərəfindən əl ilə daxil edilir. Dinamik IP, əksinə, server proqramı tərəfindən dəyişdirilir. Əgər statik IP istifadə etmirsinizsə, internet modeminizi elektrik şəbəkəsindən ayırıb bir neçə dəqiqə gözləyin, sonra onu yenidən qoşmaqla yeni IP ünvanı əldə edə bilərsiniz. ISP sizə yeni IP ünvanı təyin edir. 

Bu metodun işləməsinə zəmanət verilmir, ISP sizə eyni IP ünvanını yenidən verə bilər. Modeminizi nə qədər uzun müddət ayırsanız, IP ünvanınızın dəyişmə ehtimalı bir o qədər yüksək olar. Ancaq statik IP istifadə edirsinizsə, bu proses işləməyəcək, IP-ni əl ilə dəyişdirməlisiniz.